Zgjedhjet për Këshillin Kombëtar Shqiptar, Ragmi Mustafi: Pjesëmarrja arriti në 14 mijë votues

Ragmi Mustafi ka bërë një pasqyrë të procesit zgjedhor të zhvilluar në Luginën e Preshevës, ku qytetarët votuan për zgjedhjen e përbërjes së re të Këshillit Kombëtar Shqiptar. Sipas të dhënave të bëra publike prej tij, interesimi për këtë ngjarje të rëndësishme ka shënuar shifrën e rreth 14 mijë qytetarëve që kanë ushtruar të drejtën e votës. Duke u bazuar te rezultatet paraprake, fitues i këtij procesi ka dalë Enkel Rexhepi nga radhët e PVD-AL, i cili, sipas të dhënave të deritanishme, siguron 10 mandate në këtë institucion. “Këshilli Kombëtar Shqiptar është në rrugë që ta zgjidhë kryetarin e saj të shtatë”, u shpreh ndër të tjera Mustafi gjatë prononcimit të tij.