Partneriteti Prishtinë-Uashington në fushën e sigurisë, Sveçla takon diplomaten amerikane Anu Prattipati

Ministri i Punëve të Brendshme, Xhelal Sveçla, ka zhvilluar një takim zyrtar me të Ngarkuarën me Punë në Ambasadën e Shteteve të Bashkuara të Amerikës në vendin tonë, Anu Prattipati. Përmes një njoftimi publik në rrjetet sociale, numri një i ministrisë së Brendshme bëri të ditur se në qendër të këtij takimi ishte forcimi i mëtejshëm i bashkëpunimit ndërmjet institucioneve kosovare dhe atyre amerikane, me theks të veçantë te fusha e sigurisë.