Mbrëmje romantike në Los Angeles/ Rita Ora dhe Taika Waititikapen mat nga paparacët

Ylli me origjinë shqiptare, Rita Ora, dhe bashkëshorti i saj, regjisori i njohur Taika Waititi, kanë shijuar një mbrëmje romantike në qytetin e madh të Los Anxhelosit, duke u bërë sërish qendra e vëmendjes për mediat rozë. Çifti i njohur është kapur nga fotografitë teksa po largohej nga restoranti ekskluziv “Craig’s”, një nga vendet më të preferuara dhe të frekuentuara nga yjet e Hollywood-it, pas një darke intime që patën mbrëmjen e 22 shtatorit. Në imazhet e shkapsura nga paparacët, këngëtarja shfaqet e qetë dhe e buzëqeshur në ulësen e pasagjerit, ndërkohë që bashkëshorti i saj ishte kujdesur për drejtimin e mjetit teksa largoheshin nga ambientet e lokalit luksoz. E veshur me stil dhe në dukje tejet e relaksuar, artistja shqiptare ka tërhequr menjëherë sytë e pranishmëve dhe fotografëve, të cilët nuk i kanë kursyer shkrepjet për çiftin e famshëm. Prej martesës së tyre në vitin 2022, Rita Ora dhe Taika Waititi mbeten një ndër dyshet më të komentuara dhe më të ndjekura të showbizit botëror, ndërsa çdo dalje e tyre publike vazhdon të ngjallë kureshtje të madhe si te fansat ashtu edhe te mediat ndërkombëtare.