Tensionet në Lindjen e Mesme: Erdogan i shpreh Trumpit shqetësimet e Ankarasë për Iranin

Presidenti i Turqisë, Recep Tayyip Erdogan, ka deklaruar të hënën se shteti i tij kundërshton çdo valë të re sulmesh ushtarake ndaj Iranit, duke kërkuar zgjidhje paqësore për krizën rajonale. Kreu i shtetit turk bëri të ditur se ia ka transmetuar hapur qëndrimet dhe brengat e Ankarasë homologut të tij amerikan, Donald Trump, gjatë një komunikimi të fundit telefonik mes tyre. Dukefolur para gazetarëve në bordin e avionit gjatë kthimit nga vizita në Azerbajxhani, Erdogan theksoi: “Ne e përsërisim vazhdimisht se këto sfida kërkojnë zgjidhje përmes tryezës së dialogut dhe kanaleve diplomatike. Për fat të keq, po konstatojmë një kthesë negative në zhvillimet aktuale dhe po angazhohemi me të gjitha kapacitetet për ta ndalur këtë trajektore”. Përmes këtyre qëndrimeve, Ankaraja shpreh alarmin e saj për rrezikun e një përshkallëzimi të ri të konflikteve në Lindjen e Mesme, duke i rënë kambanës së diplomacisë si e vetmja rrugëdalje nga situata e tensionuar.