Tregjet globale të energjisë: Çmimet e naftës shënojnë sërish ulje, Brent bie nën kuotën e 97 dollarëve

Çmimet e naftës e kanë nisur javën e re me tendencë rënëse në bursat ndërkombëtare, duke thelluar kështu humbjet e pësuara gjatë periudhës paraardhëse. Referenca kryesore globale, nafta Brent, ka pësuar një tkurrje prej 1.6%, duke u tregetuar në kuotën e 96.7 dollarëve për fuçi, ndërkohë që varianti amerikan West Texas Intermediate (WTI) është pozicionuar në rreth 89 dollarë për fuçi. KAce psiko-sociale e tregut vjen në një periudhë kur po fuqizohen sinjalet dhe pritshmëritë për një epilog diplomatik në tensionet mes Shteteve të Bashkuara dhe Iranit. Në këtë linjë, presidenti amerikan Donald Trump ka bërë të ditur se një urdhër për operacione të reja ushtarake ndaj Teheranit është “shumë i pamundur”, në rast se bisedimet mbi programin bërthamor dhe zhbllokimi i lundrimit në Ngushticën e Hormuzit do të regjistrojnë hapa konkretë para. Në pasqyrën javore, nafta Brent kishte regjistruar një zhvlerësim prej mbi 13%, ndërsa në seanca të veçanta rënia e akumuluar preku shifrën e mbi 16%. Këto lëvizje pasqyrojnë drejtpërdrejt optimizmin e investitorëve për qetësimin e situatës në rajonin e trazuar të Lindjes së Mesme. Krijimi i mundësisë për një akord zyrtar mes Uashingtonit dhe Teheranit po zbeh ndjeshëm të ashtuquajturin prim të rrezikut gjeopolitik, faktor ky që kishte mbajtur të ngritura çmimet e energjisë për shkak të kërcënimeve të vazhdueshme ndaj linjave të furnizimit. Një peshë kyçe në këtë dinamikë mban Ngushtica e Hormuzit, e cila përfaqëson një nga arteriet më jetike të tranzitit të arit të zi në shkallë globale, çdo bllokim i së cilës rrezikon të destabilizojë furnizimet dhe të nxisë kriza çmimesh.