Fenomeni Lamine Yamal vendos rekord të ri historik në La Liga, lë pas edhe Lionel Messin

Ylli i ri i Barcelonës, Lamine Yamal, vazhdon të lërë gjurmë të pashlyeshme në elitën e futbollit spanjoll dhe më gjerë, duke regjistruar një tjetër arritje të jashtëzakonshme në karrierën e tij në zhvillim e sipër. Talenti katalan ka shkruar historinë pas asistimit të dhënë në triumfin 2:1 ndaj Atletico Madridit, duke u shndërruar në lojtarin më të ri ndonjëherë në La Liga që arrin kuotën e 40 asistimeve. Këtë shifër mbresëlënëse, Yamal e ka kapur në moshën 19-vjeçare dhe 118 ditëshe, duke lënë prapa me diferencë të madhe figura të njohura të kampionatit spanjoll. Rekordin e deritanishëm e mbante Roberto López Ufarte, i cili kishte arritur 40 asistime kur ishte 22 vjeç e 15 ditësh. Ndërkohë, në pozitat e radhës në këtë listë historike radhiten emra si Adrián Escudero, Seguí dhe Joseba Etxeberria, ndërsa ikona argjentinase Lionel Messi e kishte regjistruar këtë numër asistimesh në moshën 23-vjeçare e 158 ditëshe. Në këtë mënyrë, sulmuesi anësor ka kaluar edhe legjendën e argjentinase, duke dëshmuar se pavarësisht rinisë së tij, ai tashmë bën pjesë në grupin e lojtarëve më deçizivë në arenën evropiane.