Punimet në rrjet ndërpresin energjinë elektrike: KEDS publikon orarin e detajuar për disa rajone të Kosovës

Kompania për Distribuimin e Energjisë Elektrike në Kosovë (KEDS) ka njoftuar opinionin publik se gjatë ditës së sotme do të realizohen punime të planifikuara në kuadër të projekteve investuese, si dhe ndërhyrje të domosdoshme për garantimin e sigurisë së sistemit elektroenergjetik. Si rrjedhojë, disa lokacione në vend do të përballen me ndërprerje të përkohshme të furnizimit me rrymë. Më poshtë gjeni orarin e plotë të reduktimeve sipas rajoneve: Rajoni i Pejës Nga NS 35/10 kV Peja II do të mbetet pa energji Dalja 10 kV Rugova (kodi: 50051006), prej orës 09:00 deri në orën 17:00. Vendet e prekura: Fshatrat Bogë, Drelaj, Dugaivë, Haxhaj, Koshutan, Kuqishtë, Leqinat, Llaz, Llutov, Maja e Zezë, Malaj, Neqinat, Pecaj, Pepiq, Reka e Allagës, Shkrel, Shtupeq, Shtupeq i Madh, Shtupeq i Vogël si dhe Stankaj. Arsyeja e punimeve: Energjizimi i rrjetit të ri elektrik dhe demontimi i rrjetit të vjetruar. Rajoni i Prizrenit Nga NS 110/10 kV Prizreni 3 do të stakohet Dalja 10 kV Zhupa (kodi: 31000026), nga ora 10:00 deri në orën 15:30. Vendet e prekura: Fshatrat Bogushevc, Drajçiq, Gornjasellë, Llokovicë, Lubinjë e Epërme, Lubinjë e Poshtme, Manastricë, Mushnikovë, Nebregoshtë, Pllanjan, Prevallac, Reçan, Sredskë, Stajkoc dhe Struzhë. Arsyeja e punimeve: Realizimi i mirëmbajtjes preventive dhe pastrimi i trasesë. Rajoni i Ferizajt Nga TS Ferizaji 1 110/35/10(20) [kV] do të ndërpritet Dalja 10 kV J03 Drejtimi “Qytetit” (kodi: 40000001), nga ora 09:00 deri në orën 12:30. Vendet e prekura: Rrugët Zejnulla Zejna, Rexhep Bislimi (te ura), Rexhep Bislimi, Magjistralja Ferizaj-Kaçanik, Luigj Gurakuqi, Ilir Konushevci, Gursel e Bajram Sylejmani, si dhe Fshat i Vjetër, Bibaj dhe Ali Hadri. Arsyeja e punimeve: Përmirësimi i vërejtjeve të evidentuara përmes inspektimit me dron. Rajoni i Malishevës Nga NS 35/20 kV Malishevë do të ndërpritet Dalja 20 kV J04 Carralluka (kodi: 82082051), nga ora 11:00 deri në orën 14:00. Vendet e prekura: Rrugët 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumator) dhe 610 Hisni Mazreku (1 konsumator). Po ashtu edhe fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë si dhe Vërmicë e Malishevës. Arsyeja e punimeve: Mirëmbajtje preventive, ndërhyrje për sanimin e defekteve dhe eliminimin e problemeve të identifikuara nga vëzhgimi me dron. Punime në projekte investive Rajoni i Xërxës Nga NS 35/10 kV Xërxa do të ndërpritet Dalja 10 kV J08 Fortesa (kodi: 82081009), nga ora 09:00 deri në orën 17:00. Vendet e prekura: Fshatrat Bellacërk, Sapniq dhe Fortesë. Arsyeja e punimeve: Largimi i përçuesve ekzistues dhe vendosja e konzollave të reja të tensionit të mesëm (TM).