Tragjedi në detin Egje: Humbin jetën 12 emigrantë pranë Kretës, shpëtohen mbi 100 të tjerë

Një ngjarje e rëndë ka tronditur jugun e ishullit të Kretës në Greqi, ku 12 emigrantë kanë ndërruar jetë pasi varka e tyre gumëzuar u përfshi në një situatë kritike, ndërsa 105 persona të tjerë arritën të shpëtohen falë ndërhyrjes së autoriteteve. Alarmi u dha rreth 15 milje detare në juglindje të Kala Limenas, pasi një anije transporti me flamur të Marokut vërejti mjetin lundrues në vështirësi dhe informoi menjëherë strukturat përkatëse greke. Gjatë ndërhyrjes së parë, Roja Bregdetare bëri të mundur shpëtimin e 18 personave dhe nxjerrjen e trupave të pajetë të 12 viktimave. Paralelisht, dy aksione të tjera shpëtimi u organizuan në jug të Kalamakit, ku u lokalizuan dy gomone të tjera të mbushura me emigrantë. Në operacionet e gjera të kërkim-shpëtimit u angazhua gjithashtu agjencia evropiane Frontex, e cila vuri në dispozicion mjete fluturuese me dhe pa pilot për të lehtësuar terrenin. Ndërkohë, personat që i mbijetuan këtij udhëtimi të rrezikshëm janë duke u transportuar drejt porteve të zonës, ndërsa institucionet kompetente po kryejnë procedurat e nevojshme ligjore.