Heroizmi në Krakov: Profilizohet polici Jakub Kulik, ish-ushtaraku që neutralizoi sulmuesin e armatosur

Polonia është zhytur në zi kombëtare për shpalljen e dy ditëve zie, pas ngjarjes tragjike të 7 nëntorit në Krakov, ku gjashtë persona mbetën të vrarë si pasojë e një sulmi me armë zjarri. Sipas autoriteteve kompetente, autori i dyshuar i sulmit është një shtetas polak 24-vjeçar, i cili ndodhet në spital në gjendje kritike për jetën. Ai kishte qëlluar me armë ndaj qytetarëve nga automjeti i tij, përpara se të ndërhyhej nga strukturat e rendit. Eliminimi i autorit u arrit falë ndërhyrjes së dy efektivëve të policisë, ndërsa identiteti dhe imazhi i njërit prej tyre është bërë tashmë publik përmes rrjeteve sociale, duke marrë vëmendjen e opinionit publik. “Fytyra e heroit! Jakub Kulik është njëri nga policët që, së bashku me kolegun e tij Artur Morański, neutralizoi sulmuesin në Krakov. Deri vonë, Jakub shërbente si ushtar në njësinë elitare të Batalionit të 18-të Ajror në Bielsko-Biała. Në kohën e lirë, ai shërben si zjarrfikës vullnetar në Njësinë Vullnetare të Zjarrfikësve në Leszczyny. Ai ia ka kushtuar jetën e tij ndihmës ndaj njerëzve të tjerë”, thuhet në nomimin e shpërndarë në platformën X.