Tërmkolli kritikon Ramën: Për korrigjimin e kufirit punoi me Vuçiqin e Hashimin, për Hagën hesht

Ish-deputetja e LDK-së, Melihate Tërmkolli, ka kritikuar kryeministrin e Shqipërisë, Edi Rama, lidhur me qëndrimet për çështjet që lidhen me Kosovën. Ajo ka përmendur edhe idenë e “korrigjimit” të kufirit Kosovë-Serbi, duke pretenduar se Rama kishte punuar për këtë projekt bashkë me Aleksandar Vuçiqin dhe Hashim Thaçin. Tërmkolli ka kritikuar gjithashtu mungesën e reagimit ndaj asaj që ajo e quan “korrigjim” të vendimit të Gjykatës Speciale në Hagë. “Duhet ‘korrigjim’ apo anulim i vendimit, e dinë ata që janë në organizim të kundërshtimit”,ka shkruar ajo. Për “korrigjim” të kufirit të Kosovës me Serbinë, patën punu fort antishqiptari Edi Rama me Vuçiqin edhe me Hashimin! Reaguam shumë dhe fort, dhe ai projekt u ndërpre! Tani që Albini po flet për “korrigjim” të vendimit të Hagës, po duket se nuk po punon askush! Duhet “korrigjim” apo anulim i vendimit, e dinë ata që janë në organizim të kundërshtimit!