Në prag të sfilatës historike të Chanel, aktorja e njohur Margot Robbie kthehet në vendlindje

Aktorja e njohur australiane, Margot Robbie, ka udhëtuar drejt vendlindjes së saj për t'u bërë pjesë e një prej ngjarjeve më prestigjioze të modës për këtë vit, që është zbulimi i koleksionit Cruise/Resort të markës së famshme Chanel. Artistja 36-vjeçare u kap në objektivin e kamerave mesditën e së mërkurës në aeroportin e Sidneit, teksa po lëvizte nëpër terminal e rrethuar nga anëtarët e ekipit të saj. Edhe pse u shfaq serioze dhe pa buzëqeshje përpara pranisë mediatike, ajo nuk la pa rënë në sy falë shijes së hollë në veshje. E ndikuar nga estetika klasike e muajve të kaluar të stilit të Audrey Hepburn, aktorja, e cila tashmë është nënë, kishte kombinuar pantallona të shkurtra të zeza të modelit kapri me një bluzë tradicionale me jakë të rrumbullakët. Veshja e saj u përmbyll në mënyrë perfekte me syze dielli të markës Chanel, një shami në tonet blu me dizajne paisley dhe këpucë të sheshta baleti. Në cilësinë e ambasadores së shtëpisë së modës Chanel, ajo kishte vendosur gjithashtu vathë unikë rrrethorë dhe mbante në krah një çantë lëkure me ngjyrë të zezë nga e njëjta shtëpi luksoze. Detaje të tjera që tërhoqën vëmendjen ishin buzëkuqi në nuancë burgundy dhe ngjyra e thonjve që përputhej plotësisht me të. Shtëpia e modës Chanel pritet të mbajë këtë të enjte sfilatën e saj inauguruese në tokën australiane, një zhvillim madhështor që konsiderohet si një ndër mbrëmjet më të rëndësishme kulturore dhe të modës që ka pritur qyteti i Sidneit gjatë viteve të fundit.