Përplasja e parë në BBVK 5: Vjollca Haxhiu kërkon llogari nga Nichi pas epitetit 'mashtruese'

Edicioni i pestë i spektaklit 'Big Brother VIP Kosova' ka nisur zyrtarisht fazën e njohjes mes banorëve, e cila megjithatë nuk ka munguar pa tensionet dhe debatet e para brenda shtëpisë më të famshme në vend. Këngëtarja e njohur, Vjollca Haxhiu, është përfshirë në një situatë të tensionuar me konkurrentin Nichi, të cilit i kërkoi llogari të hapur lidhur me një fjalor të papërshtatshëm që ai kishte përdorur ndaj saj. E ndier e fyer nga epitetet e përdorura, artistja e njohur nuk ka ngurruar t'i shprehë hapur pakënaqësitë e saj, duke i kërkuar llogari për sjelljen dhe strategjinë e tij në lojë. "Si nuk të erdhi marre të më thuash mashtruese, edhe për gjëra tjera, nuk ke lojë", i është drejtuar atij këngëtarja, duke shfaqur indinjatën e saj të plotë. Në anën tjetër, Nichi është munduar të arsyetohet, duke u shprehur: "Si kam mundur unë, po them. Dua të të kërkoj falje", ndonëse biseda mes tyre u zhvillua në një ton më të qetë, por që la pas pakënaqësi te banorja. Pavarësisht këtij incidenti, Nichi vazhdon të mbetet një nga figurat më dinamike dhe më të komentuara të këtij sezoni televiziv.