Pas ngjarjes tragjike të Arlinda Zekajt, Kryeprokurori i Shtetit ndërmerr hap urgjent drejt Prokurorisë së Pejës

Kryeprokurori i Shtetit, z. Zejnulla Gashi, ka ndërmarrë një vizitë urgjente në Prokurorinë Themelore në Pejë, i shoqëruar nga Zëvendëskryeprokurori i Shtetit, z. Bahri Hyseni, prokurori i Zyrës së Kryeprokurorit të Shtetit dhe Koordinator Nacional për Rastet e Dhunës në Familje, z. Ersan Qavolli, si dhe Drejtori i Përgjithshëm i Sekretariatit të Këshillit Prokurorial të Kosovës, z. Sami Istrefi. Në kuadër të këtij takimi pune me stafin prokurorial të këtij institucioni, kreu i akuzës shtetërore ka vënë theksin te domosdoshmëria e trajtimit të çdo dosjeje penale me përgjegjësinë, seriozitetin dhe ndjeshmërinë maksimale, duke u bazuar te pesha, natyra dhe rrezikshmëria e veprës, si dhe ndërmarrja e menjëhershme e hapave ligjorë proceduralë. Focus i veçantë i diskutimeve ishte trajtimi i krimeve të dhunës në familje. Me këtë rast, z. Gashi kërkoi angazhim maksimal, vigjilencë të lartë dhe standarde të larta profesionale nga institucionet, duke apeluar për vlerësim të saktë të rrezikshmërisë, ndërhyrje në kohë reale dhe siguri të plotë për viktimat, konform dispozitave ligjore vendndodhëse dhe konventave ndërkombëtare për mbrojtjen e të drejtave fundamentale të njeriut. Ndërkaq, gjatë kësaj vizite, Kryeprokurori i Shtetit informoi prokurorët e Pejës lidhur me ngritjen e strukturave të reja brenda Zyrës së Kryeprokurorit të Shtetit, të cilat synojnë ngritjen e performancës dhe standardeve të punës, ruajtjen e integritetit profesional të prokurorëve, si dhe caktimin zyrtar të prokurorëve mbikëqyrës në të gjitha prokuroritë e vendit, përfshirë edhe Prokurorinë Themelore në Pejë.