Sukses i madh për basketbollin: Tre gjyqtarë nga Kosova do të ndajnë drejtësinë në FIBA EuroCup Women

Një tjetër arritje e rëndësishme ka shënuar sporti i basketbollit në vendin tonë, duke dëshmuar edhe një herë rritjen e cilësisë në arenën ndërkombëtare. Bëhet fjalë për treshen kosovare të gjyqtarëve, të përbërë nga Elldin Uglari, Xhelal Mumini dhe Amar Gjekoviq, të cilët kanë marrë ftesë zyrtare nga shtëpia evropiane e basketbollit, FIBA. Ata do të jenë pjesë e ndarjes së drejtësisë në sfidat e kompeticionit prestigjioz evropian për femra, FIBA EuroCup Women. Nëpërmjet një deklarate zyrtare, Federata e Basketbollit të Kosovës (FBK) ka theksuar se ky zhvillim përbën një tjetër provë të qartë për prezencën e denjë të arbitrave vendorë në nivelin ndërkombëtar, si dhe dëshmon besimin e plotë që FIBA ka ndërtuar ndaj profesionalizmit të tyre.