Nga fusha e tenisit te drejtimi i klubit: Rafael Nadal pritet t'i bashkohet Bordit të Real Madridit

Legjenda e tenisit botëror, Rafael Nadal, është shumë pranë një hapi të rëndësishëm në karrierën e tij jashtë sportit të bardhë, duke u bërë pjesë e strukturave drejtuese të gjigantit spanjoll, Real Madrid. Klubi mbretëror ka njoftuar se do të zyrtarizojë kandidaturën e sportistit nga Majorka gjatë Asamblesë së Përgjithshme, e cila është caktuar të mbahet më datë 21 nëntor. Nëse gjithçka shkon sipas parashikimeve dhe anëtarët e votojnë propozimin, siç edhe pritet gjerësisht, kampioni i njohur do të zyrtarizohet si anëtari më i ri i Bordit Drejtues të madrilenëve. Për të formalizuar këtë emërim prestigjioz të ikonës së tenisit, drejtuesit e klubit do të thërrasin një Asamble të Përgjithshme të Jashtëzakonshme, ku do të hidhet për votim ky vendim i bujshëm.