Pjesa e parë mbyllet baras: Drita dhe Prishtina ndajnë pikët e përkohshme në Gjilan

Ka përfunduar me barazim 1:1 pjesa e parë e sfidës së mbetur të javës së dytë në Superioren e Kosovës në futboll, e cila po zhvillohet në qytetin e Gjilanit mes skuadrës së Dritës dhe asaj të Prishtinës. Dueli deri më tani është karakterizuar nga një luftë e madhe sportive në fushë, duke reflektuar edhe ambiciet e të dyja ekipeve që synojnë kreun e renditjes tabelore. Kryeqytetasit kaluan të parët në epërsi falë një goli të realizuar nga Blendi Baftiu qysh në minutën e 8-të të takimit, ndërsa vendasit e Dritës nuk vonuan dhe reaguan duke barazuar rezultatin në 1:1 përmes Blerim Krasniqit në minutën e 19-të.