Formë e jashtëzakonshme në Itali, kapiteni i Çezenës thur eloge për Kristian Shpendin: Është më i miri në Serie B

Kristian Shpendi po kalon një periudhë fantastike me fanellën e Çezenës, duke marrë vlerësimet më të larta nga drejtuesit dhe bashkëlojtarët te klubi bardhezi. Së fundmi, kapiteni Andrea Ccofi ka thurur eloge për sulmuesin e talentuar shqiptar, duke e vlerësuar publikisht si lojtarin më cilësor të këtij kampionati në Serie B. Ky është një vlerësim i rëndësishëm për 23-vjeçarin, i cili po shkëlqen këtë sezon dhe është shndërruar në një nga armët kryesore të skuadrës italiane. “Për atë që jemi si skuadër, nuk mund të na mungojë kurrë qëndrimi dhe angazhimi në fushë. Shpendi është sulmuesi më i fortë në Serie B. Shpresojmë ta mbajmë sa më gjatë të jetë e mundur”, ka deklaruar Ccofi . Gjatë këtij sezoni, sulmuesi kuqezi ka arritur të shënojë tetë gola, duke u konfirmuar si një ndër bomberat më produktivë të kampionatit dhe arsyeja kryesore pse Çezena po regjistron rezultate pozitive. Edhe në sfidën e fundit kundër Südtirolit, Shpendi doli sërish në skenë duke realizuar golin e barazimit, i cili i siguroi skuadrës së tij një pikë të vlefshme në udhëtim. Ndërkohë, në një zhvillim tjetër, vetëm tri ditë më vonë, më 15 nëntor, Shqipëria do të udhëtojë drejt transfertës për t’u përballur me Bjellorusinë. Takimi do të zhvillohet në stadiumin “Illovszky Rudolf”, në orën 18:00, në një tjetër ndeshje ku objektivi do të jetë marrja e një rezultati pozitiv. Me 9 pikë në krye të grupit C1, Kombëtarja shqiptare ka gjithçka në duart e saj për ta mbyllur këtë fazë në mënyrën më të mirë të mundshme. Megjithatë, dy sfidat e fundit kërkojnë përqendrim maksimal dhe disiplinë të rreptë taktike në fushë.