Gjiganti turk gjen pasardhësin e Ismail Kartalit, në krye të skuadrës emërohet një legjendë e futbollit

Klubi i njohur turk, Fenerbahce, ka mbyllur kërkimet për trajnerin e ri, duke arritur një marrëveshje për të besuar drejtimin teknik te një prej figurave më ikonike të vendit. Sipas burimeve mediatike në Turqi, drejtuesit e klubit nga Stambolli kanë gjetur zëvendësuesin ideal për Ismail Kartalin. Bëhet fjalë për ish-mesfushorin dhe legjendën e kombëtares turke, Emre Belozoglu, i cili ka pranuar ofertën për t'u ulur në stolin e skuadrës. Përveç ndryshimeve në shtabin teknik, vëmendje e veçantë vijon të mbetet edhe te organikja e lojtarëve, ku kujtojmë se pjesë e këtij ekipi është edhe sulmuesi i njohur nga Kosova, Vedat Muriqi.