A po vjen edicioni i ri? Ledion Liço ndez rrjetin me paralajmërimin e fundit për ‘Big Brother VIP Albania’

Një postim i fundit në rrjetet sociale nga moderatori i njohur, Ledion Liço, ka ringjallur interesin e audiencës, duke lënë të kuptohet se prapaskenat e edicionit të ardhshëm të “Big Brother VIP Albania” mund të kenë marrë jetë. Përmes një fotografie të shpërndarë në profilin e tij në Instagram, ku ka vendosur mbishkrimin “Thonë që ju ka marrë malli…”, Liço ka tërhequr menjëherë vëmendjen e ndjekësve dhe mediave rozë. Reagimet nuk kanë vonuar, teksa seksioni i komenteve është mbushur me mesazhe nga fansat, të cilët shprehin entuziazmin për ta parë sërish në ekran. Shumë prej tyre e kanë lexuar këtë lëvizje si një paralajmërim zyrtar për rikthimin e spektaklit të përfolur televiziv. Në këtë pikë, moderatori ka zgjedhur të ruajë misterin, duke mos dhënë detaje shtesë mbi kuptimin e këtij mesazhi dhe duke e lëmshuar publikun mes aludimeve të ndryshme. Ndërkohë, mbetet për t'u parë nëse ky paralajmërim paralajmëron nisjen zyrtare të njërit prej formateve më të ndjekura në ekranet shqiptare, i cili vazhdon të mbajë mbërthyer pas ekranit një numër të madh shikuesish.