Valencia syrgjynos vështirësitë: Klubi spanjoll vë në shënjestër Vedat Muriqin për janarin

E ardhmja e sulmuesit të Kombëtares së Kosovës, Vedat Muriqi, ka marrë një kthesë të papritur, pasi mediat turke dhe ato spanjolle raportojnë për një interesim konkret nga La Liga. Skuadra e njohur e Valencias ka shfaqur dëshirë të fortë për të siguruar shërbimet e 32-vjeçarit gjatë afatit kalimtar të janarit. Sipas informacioneve të publikuara nga mediumi spanjoll “Fichajes”, drejtuesit e Valencias e kanë vendosur Muriqin në krye të listës së dëshirave për të rifreskuar repartin e sulmit. Plani i klubit spanjoll është që të afrojë një qendërsulmues me eksperiencë gjatë merkatos së dimrit, ku formula e preferuar për momentin mbetet ajo e huazimit. Megjithatë, rruga drejt Spanjës nuk do të jetë e thjeshtë për sulmuesin dardan. Përveç Muriqit, në radarët e Valencias gjenden edhe dy emra të tjerë të njohur të futbollit ndërkombëtar, Artem Dovbyk dhe Richarlison, të cilët gjithashtu po ndiqen me vëmendje nga drejtuesit e klubit. Për më tepër, pengesa kryesore mbetet kontrata e gjatë e lojtarit me Fenerbahçen, e cila është e vlefshme deri më 30 qershor 2029. Për të arritur te marrëveshja, Valencia do të duhet të paraqitë një ofertë bindëse dhe një strukturë financiare që do ta shtynte klubin turk të heqë dorë nga sulmuesi i tyre. Ky interesim vjen pas një ecurie mjaft pozitive të Muriqit gjatë këtij sezoni, ku ai ka spikatur me paraqitjet e tij për Fenerbahçen, duke arritur të shënojë tetë gola dhe të kontribuojë me dy asistime në 16 ndeshje zyrtare.