Zgjedhjet në Bervenicë: Pjesëmarrja arrin në 27.81 për qind deri në mesditë, shënohet rritje krahasuar me raundin e parë

Procesi i votimit për balotazhin e jashtëzakonshëm lokal po vijon sot në komunën e Bervenicës në Maqedoninë e Veriut, ku deri në orën 13:00 qytetarët kanë shfrytëzuar të drejtën e tyre kushtetuese. Sipas të dhënave zyrtare të dala nga përpunimi i plotë i 100 për qind të vendvotimeve, numri i qytetarëve që kanë hedhur votën e tyre deri në mesditë ka arritur në 4.518 veta, respektivisht 27.81 për qind e trupit zgjedhor. Nëse bëjmë një krahasim me raundin e parë të zhvilluar dy javë më parë, vërehet një shtim i interesimit të qytetarëve, ku dalja në votime deri në këtë orar ka qenë 20.50 për qind, duke shënuar kështu një rritje prej 7.31 për qind. Nga ana tjetër, gjendja paraqitet ndryshe në raport me zgjedhjet e rrethit të dytë të vitit 2025, ku statistikat tregojnë një rënie të lehtë të daljes në votime për 1.92 për qind.