Tragjedi në Shkup: Ndërron jetë në Kardiokirurgji shtetasi francez

Ministria e Punëve të Brendshme ka bërë të ditur se një shtetas francez ka ndërruar jetë në ambientet e Klinikës së Kardiokirurgjisë në Shkup, pasi ishte trajtuar në gjendje të rëndë shëndetësore. Sipas autoriteteve policore, ngjarja është regjistruar më 29 tetor 2026, rreth orës 10:04, kur Sektori i Punëve të Brendshme në Shkup ka pranuar një njoftim zyrtar nga Kompleksi i Klinikave "Nëna Terezë". Bëhet fjalë për 72-vjeçarin me iniciale B.H.G.V.P. nga Franca, i cili banonte në një konvikt të vendosur në territorin e komunës së Butelit. Ai ishte transportuar në spital një ditë më parë në gjendje kritike për jetën. Në lidhje me këtë rast, prokurori publik ka lëshuar urdhër të prerë, duke kërkuar që trupi i pajetë i viktimës të dërgohet për obduksion pranë Departamentit të Mjekësisë Ligjore, për të zbardhur shkaqet e sakta të vdekjes.