Sulmuesi me vlerë 50 milionë euro kërkon largimin nga Arabia Saudite për një rikthim bujshëm në Premier League

Vetëm dy vite e gjysmë pasi u transferua nga Brentford drejt Arabisë Saudite për shifrën e majme prej 50 milionë eurosh në gusht të vitit 2024, sulmuesi Ivan Toney duket se po përgatitet për një rikthim të bujshëm në elitën e futbollit anglez gjatë merkatos së janarit. Sipas informacioneve të siguruara nga “CaughtOffside”, drejtuesit e Newcastle janë në kërkim të përforcimeve për repartin e avancuar dhe profili kryesor që plotëson kërkesat e tyre është pikërisht ai i Ivan Toney. Për më tepër, trajneri i skuadrës, Matthias Jaissle, po bën presion të vazhdueshëm për sigurimin e shërbimeve të sulmuesit, me të cilin ka bashkëpunuar edhe më parë gjatë periudhës kur ka drejtuar në futbollin saudit. Megjithatë, operacioni për rikthimin e 28-vjeçarit në Premier League pritet të paraqesë vështirësi të konsiderueshme për shkak të disa faktorëve kyç. Në radhë të parë, bomberi anglez vazhdon të jetë një element i pazëvendësueshëm dhe shtyllë kryesore e formacionit te Al-Ahli, ku gjatë këtij edicioni ka arritur të tundë rrjetën 13 herë në 14 paraqitje. Së dyti, lojtari është i lidhur me një kontratë afatgjatë me klubin nga Gjiri Persik deri në vitin 2028. Pavarësisht kësaj, vullneti i qartë dhe insistimi i vetë futbollistit për t'u rikthyer në ishull pritet të luajnë një rol vendimtar në fatin e këtij transferimi.