Forcimi i kapaciteteve të FSK-së, ministri Maqedonci zhvillon takim të nivelit të lartë me gjeneralin amerikan Grynkewich

Ministri i Mbrojtjes i Republikës së Kosovës, Ejup Maqedonci, ka zhvilluar një takim të rëndësishëm me Komandantin Suprem të Forcave Aleate të NATO-s për Evropë (SACEUR), i cili mban njëkohësisht postin e komandantit të Komandës Evropiane të Shteteve të Bashkuara (USEUCOM), gjeneralin Alexus G. Grynkewich. Nëpërmjet një komunikimi zyrtar, ministri Maqedonci bëri të ditur se biseda u fokusua në dinamikat aktuale të sigurisë dhe mbrojtjes. Palët shkëmbyen pikëpamje mbi thellimin e bashkëpunimit me shtetet anëtare të Aleancës Veriatlantike, ndërsa theksi i veçantë u vu te hapat konkretë që po ndërmerren për rritjen e profesionalizmit dhe modernizimin e vazhdueshëm të Forcës së Sigurisë së Kosovës (FSK).