Nënpushtimi evropian i Bashkimit, skuadra franceze dhuron spektakël në Prizren

Bashkimi, nënkampion i Kosovës në basketboll, ka pësuar një humbje të rëndë para tifozëve të vet përballë gjigantit francez, Elan Chalon, me rezultatin përfundimtar 66:94, në kuadër të fazës së grupeve të FIBA Europe Cup. Te skuadra nga Franca, e cila dominoi takimin nga fillimi deri në fund, shkëlqeu Ponsar me 17 pikë të shënuara, ndërsa kontribut të rëndësishëm në këtë triumf dhanë edhe Grandison dhe Kouakou-Heugue, të cilët kontribuan me nga 12 pikë secili. Në kampin e skuadrës kosovare, vetëm dy lojtarë arritën të regjistrojnë pikë dyshifrore: Clavell me 13 sosh dhe Myles me 11 të tilla. Ndërkohë, ylli kryesor i nënkampionit kosovar, Shannon Shorter, patën një paraqitje larg pritshmërive, duke realizuar vetëm nëntë pikë. Pas këtij epilogu, për Bashkimin kjo shënon disfatën e dytë në këtë fazë, ndërsa Elan Chalon regjistron fitoren e tretë radhazi, duke u ulur komod në krye të renditjes në Grupin F.