Valë e re protestash këtë të enjte: Kërkohet drejtësi institucionale për gratë e vrara

Kolektivi për Mendim dhe Veprim Feminist ka paralajmëruar se nesër, ditë enjte, me fillim nga ora 16:00, do të mbahet një tjetër protestë masive në sheshin “Zahir Pajaziti” në Prishtinë, si thirrje urgjente për llogaridhënie institucionale. Organizatorët kanë bërë të ditur se tubimi vjen me qëllim të kërkimit të drejtësisë për Arlindën, por edhe për të gjitha gratë e tjerë që kanë humbur jetën si pasojë e dhunës me bazë gjinore në vend. Gjatë njoftimit zyrtar, është theksuar se protestuesit do të dalin sërish në rrugë për të bllokuar institucionet, duke e cilësuar këtë si momentin e fundit që shteti të veprojë me përgjegjësi. Të gjithë qytetarët janë ftuar të lënë mënjanë angazhimet e tyre në punë, shtëpi apo shkolla dhe t'i bashkohen marshit, i cili do të vijojë derisa kërkesat e tyre të gjejnë zgjidhje. Në thirrjen e shpërndarë për opinionin publik, Kolektivi ka kërkuar mobilizim dhe solidaritet mbarëkombëtar, me synimin e vetëm që gratë të gëzojnë siguri e liri në jetën e përditshme, ndërsa rastet e vrasjeve të marrin ndëshkimin e merituar ligjor.