Afrim apo paqe e armatosur? Carrick dhe Fernandes u ulën për të sheshuar mosmarrëveshjet te Manchester United

Prapaskenat e tensionuara te Manchester United duket se kanë kërkuar një ballafaqim kokë më kokë mes drejtuesit të stolin, Michael Carrick, dhe liderit të skuadrës, Bruno Fernandes. Të dy personalitetet kyçe të klubit kanë zhvilluar një bisedë sqaruese për të ulur gjakrat pas periudhës së turbullt që kaloi grupi. Kujtojmë se situata mes tyre arriti pikën e kulmit gjatë fundjavës, kur mesfushori portugez u la papritur jashtë 11-shit startues në sfidën ku “Djajtë e Kuq” u mposhtën thellë me rezultatin 3:0 nga Bournemouthi. Ky vendim erdhi si pasojë e pakënaqësive të shfaqura nga kapiteni, i cili kishte vënë hapur në pikëpyetje zgjedhjet taktike të shtabit teknik.