Vora gjen ritmin e duhur dhe mposht Vllazninë në një duel me emocione deri në fund

Squadra e Vorës ka regjistruar një fitore të rëndësishme në shtëpi, duke triumfuar ndaj Vllaznisë në takimin e vlefshëm për javën e 9-të të “Abissnet Superiore”. Ndeshja e zhvilluar në stadiumin e Vorës ka dhuruar spektakël dhe është mbyllur me rezultatin 2:1 në favor të vendasve. Fraksioni i parë i lojës u karakterizua nga dominimi i vendasve, ku sulmuesi Kashari arriti të zhbllokojë shifrat, duke i dhënë epërsinë skuadrës së drejtuar nga trajneri Arjan Bellai. Me këtë avantazh minimal prej 1-0, dy skuadrat iu drejtuan dhomave të zhveshjes. Me nisjen e pjesës së dytë, Vora përfitoi nga një kundërsulm i shpejtë dhe efikas, ku Daka u tregua i saktë para portës duke dyfishuar shifrat. Vllaznia u përpoq të reagojë dhe rihapi ndeshjen në minutën e 90-të nëpërmjet një penalltie të realizuar nga Balaj, një gol që megjithatë shërbeu vetëm për statistikë, pasi shkodranët nuk arritën të shmangin humbjen. Gjatë gjithë sfidës, të dyja ekipet patën mundësi të shumta për të shënuar, por çeduan në finalizim. Pas këtij rezultati, Vora ngjitet në vendin e pestë të renditjes me 11 pikë të grumbulluara, ndërkohë që Vllaznia mbetet në kuotën e 9 pikëve, duke u pozicionuar në vendin e nëntë të tabelës.