Tragjesia në Pejë: Qytetarët ndezin qirinj për Arlinda Zekajn, Kuvendi mblidhet në seancë të jashtëzakonshme

Ngjarja e rëndë e regjistruar mbrëmjen e së dielës në Vitomiricë të Pejës, ku Arlinda Zekaj u vra nga kunati i saj, ka shkaktuar një tronditje të thellë në opinionin mbarëshqiptar. Si shenjë solidarizimi dhe homazhi për jetën e humbur tragjikisht, një numër i madh qytetarësh janë tubuar në qytetin e Pejës për të ndezur qirinj në nderim të kujtimit të Arlindës. Në ndërkohë, si reagim ndaj këtij krimi tronditës, Kuvendi i Kosovës ka thirrur dhe po zhvillon një seancë të jashtëzakonshme. Gjatë punimeve të kësaj seance plenare, ligjvënësit kanë ngritur zërin duke kërkuar drejtësi, ndërsa kanë theksuar domosdoshmërinë që autori të përballet me ligjin dhe të marrë ndëshkimin e merituar.