Gëzim i dyfishtë në familje, ish-banorja e njohur e BBVA sjell në jetë fëmijën e dytë

Këngëtarja e njohur dhe ish-konkurrente e edicionit të parë të “Big Brother VIP Albania”, Xheisara Frisku, ka ndarë me publikun një nga momentet më të lumtura të jetës së saj personale. Artistja është bërë nënë për herë të dytë, duke sjellë në jetë një vajzë dhe duke i dhënë një dimension tjetër familjes së saj. Këtë lajm të bukur e ka bërë të ditur vetë ajo nëpërmjet llogarive të saj në rrjetet sociale, ku ka postuar edhe imazhin e parë krah të porsalindurës nga ambientet e spitalit. “Dashuria ime është këtu. Nuk di të përshkruaj ndjenjën, por di të them që jam me fat që Zoti vendosi të më bekojë sërish”, ka shkruar këngëtarja, duke reflektuar emocionet e forta nga ky gëzim i madh familjar. Për Xheisaren, kjo është vajza e saj e dytë, pasi ajo është tashmë nënë edhe e Sol Malines. Postimi i saj është mbushur menjëherë me urime të shumta nga miqtë, kolegët dhe ndjekësit, të cilët kanë uruar shëndet dhe jetë të gjatë për të vogëlulsen. Redaksia jonë i bashkohet urimeve për shtimin e familjes së artistes.