Pamje dramatike në Brazil: Treni pa shofer përplaset me një vinç ndërtimi që kishte bllokuar shinat

Një incident i pazakontë ka ndodhur në Sao Paulo të Brazilit, ku një tren i pajisur me sistem plotësisht të automatizuar është përplasur me një vinç ndërtimi, i cili kishte rënë përmbi shinat e hekurudhës. Pamjet e publikuara nga ngjarja tregojnë momentin e frikshëm kur makineria e rëndë përfundon e rrëzuar në një aks rrugor me qarkullim të dendur. Në momentin e aksidentit, treni pa shofer në bord po qarkullonte me shpejtësi dhe nuk ka pasur mundësi të frenojë apo të shmangë pengesën që gjendej e varur në linjën e tij lëvizëse. Për fat të mirë, pavarësisht forcës së goditjes së fuqishme, asnjë nga udhëtarët që ndodheshin në bordin e trenit njëbinar nuk ka pësuar lëndime. Ndërkohë, drejtuesit e automjeteve që po qarkullonin në rrugën poshtë urës apo mbikalimit u detyruan të largoheshin me shpejtësi nga vendi i ngjarjes për t'i shpëtuar rrezikut, duke parandaluar kështu një tragetë të mundshme me pasoja tragjike.