Gerard Pique jep parashikimin e guximshëm për “El Clasico”: Ja kush fiton sipas ish-yllit të Barçës

Ish-mbrojtësi legjendar i Barcelonës, Gerard Pique, ka bërë një parashikim të guximshëm në prag të supersfidës “El Clasico” mes katalanasve dhe Real Madridit, e cila do të luhet këtë të diel në “Spotify Camp Nou”, në kuadër të javës së dhjetë të kampionatit spanjoll. Gjatë një bisede me ish-futbollistin meksikan Miguel Layún, Pique u shpreh i bindur për triumfin e skuadrës së tij të zemrës, duke e krahasuar situatën aktuale me një nga fitoret më ikonike të epokës së Jose Mourinhos. Duke ndarë mendimet e tij, ish-reprezentuesi spanjoll u shpreh: “Kur Mourinho vizitori për herë të fundit ‘Camp Nou’ me ekipin e tij, pësoi një disfatë me pesë gola. Parashikoj se Barcelona do të fitojë sërish, me rezultatin 4-1.” Ai gjithashtu shtoi se skuadra e drejtuar nga Hansi Flick është aktualisht ekipi më cilësor në rruzull, duke krijuar një diferencë të ndjeshme ndaj të tjerëve. Sipas tij, kjo nuk është garanci absolute për çdo sfidë, por statistikat në La Liga flasin qartë, me një mesatare prej katër golash për takim. Pique i referohej përballjes historike të 29 nëntorit 2010, kur madrilenët u mposhtën pastër 5-0 në atë që ishte vizita e parë e Jose Mourinhos në stadiumin e Barcelonës si trajner i “Los Blancos”. Aktualisht, katalanasit mbajnë kreun e renditjes në La Liga me 27 pikë të grumbulluara nga 9 ndeshje, ndërsa rivalët e tyre të Përjetshëm pozicionhen në vendin e tretë, gjashtë pikë më pas, pas pengesave të pësuara përballë Real Betisit (1-0) dhe Atletico Madridit (2-1).