Moti i keq përfshin Vlorën: Rreshjet e dendura bllokojnë rrugët dhe vështirësojnë trafikun

Përkeqësimi i kushteve atmosferike dhe reshjet e vazhdueshme të shiut kanë sjellë probleme në qytetin bregdetar të Vlorës, ku disa akse rrugore janë përfshirë nga grumbullimet e konsiderueshme të ujit. Kjo situatë ka shquar vështirësi të dukshme në lëvizjen e automjeteve, duke sjellë bllokim të qarkullimit dhe kolona në zona të ndryshme për disa minuta. Nga ana tjetër, bulevardi kryesor i qytetit, zona e njohur si Albano Romina, si dhe pikat e tjera që historikisht kanë shfaqur problematika me përmbytjet, fatmirësisht nuk kanë raportuar situata kritike dhe paraqiten më të qeta. Ndërkohë, strukturat operacionale dhe grupet e terrenit janë mobilizuar menjëherë për të ndërhyrë në largimin e ujit nga arteriet e bllokuara, me synimin parësor normalizimin sa më të shpejtë të qarkullimit rrugor.