Gjendja në rrugë: Qarkullim pa pengesa dhe pa pritje në pikat kufitare

Qarkullimi rrugor në të gjithë territorin e vendit po zhvillohet rregullisht, në kushte të motit të mirë dhe pa ndonjë vështirësi të veçantë, ndërsa qarkullimi i automjeteve mbetet në nivele normale jashtë zonave të banuara. Në pikat kaluse kufitare, nga ana e Maqedonisë së Veriut, situata paraqitet e qetë dhe pa kolona apo pritje të gjata, qoftë për hyrje apo për dalje nga vendi. Për siguri më të madhe gjatë udhëtimit, apelohet për respektimin e shpejtësisë së lejuar, përshtatjen me sinjalistikën rrugore dhe një drejtim me kujdes të shtuar, sidomos në akse rrugore që kalojnë përgjatë luginave, grykave dhe shtretërve të lumenjve, ku rreziku i shembjeve të dheut dhe gurëve mbetet prezent. Kjo thirrje për kujdes të veçantë i drejtohet drejtuesve të automjeteve që qarkullojnë në segmentet Katllanovë - Veles, Mavrovë - Dibër - Strugë, Vinicë - Berovë, si dhe Koçan - Dellçevë.