Këmbanat e alarmit në Tetovë: Ndotja e ajrit arrin nivele shqetësuese, institucionet fajësojnë dimrin

Me ardhjen e stinës së vjeshtës, Tetova nuk përballet vetëm me ndryshimin e peizazhit, por edhe me rikthimin e njohur dhe të rrezikshëm të ajrit të ndotur. Edhe pse termometri ka shënuar rënie dhe ndotja ka kaluar tashmë kufijtë minimalë, reagimi nga ana e autoriteteve mbetet inekzistent. Organizatat ekologjike theksojnë se problemi kryesor mbetet mungesa e veprimit nga institucionet lokale dhe dështimi në kontrollin e ndotësve të mëdhenj industrialë. Në krahun tjetër, nga Komuna e Tetovës bëjnë me dije se kontrollet e mirëfillta në terren nuk kanë filluar ende, duke sqaruar se nisja e tyre është e lidhur ngushtë me kalendarin zyrtar të sezonit të ngrohjes. Por si po ia dalin qytetarët të ngrohen gjatë kësaj periudhe? Për shkak të mungesës së një rrjeti të centralizuar të ngrohjes dhe kostove tejet të larta të energjisë elektrike, shumë familje detyrohen të përdorin çdo lloj lënde djegëse për të mbijetuar – duke filluar nga drurët e lagësht e deri te mbetjet industriale dhe plastike, të cilat shndërrohen në helme të rënda për mjedisin dhe shëndetin. Ekspertët dhe aktivistët e fushës së mjedisit vënë inkonce se zgjidhja afatgjatë kërkon domosdoshmërisht investime kapitale dhe subvencione të drejtpërdrejta nga shteti për instalimin e sistemeve efikase, siç janë pompat termike. Ndërkohë që institucionet po presin muajin nëntor për të nisur inspektimet dhe qytetarët llogarisin çdo kilovat energji për të mbyllur muajin, Tetova vazhdon të mbetet e izoluar nën peshën e smogut. Në mungesë të një strategjie reale subvencionimi dhe masave të mirëfillta parandaluese, dimri i këtij viti rrezikon të shënoi një tjetër betejë të humbur për ajrin e pastër në qytet.