Vendi ynë përfshihet nga moti i qëndrueshëm: Temperaturat arrijnë deri në 20 gradë Celsius këtë të shtunë

Për këtë të shtunë, parashikohet mbizotërim i motit me diell dhe vranësira kalimtare, të cilat do të jenë kryesisht të shtresave të larta. Megjithatë, autoritetet meteorologjike bëjnë me dije se gjatë orëve të para të mëngjesit, në zona të caktuara ultësira dhe lugina, mund të ketë prezencë të vranësirave të ulëta ose mjegullës së lehtë. Sa i përket kushteve atmosferike, era do të fryjë nga drejtime të ndryshme, duke ruajtur një shpejtësi mesatare prej 5 deri në 27 kilometra në orë. Ndërkohë, termometrat do të shënojnë një rritje të lehtë të temperaturave. Vlerat minimale do të lëvizin nga 3 deri në 7 gradë Celsius, ndërsa temperaturat maksimale gjatë ditës pritet të arrijnë deri në 18 deri në 20 gradë Celsius.