Kërcënimi se protestuesve do t'u ndalohet hyrja në BE, eurodeputetja Strolenberg: Pretendim i rremë, vazhdoni tubimet

Eurodeputetja Anna Strolenberg ka reaguar ashpër ndaj paralajmërimeve të kryeministrit Edi Rama drejtuar qytetarëve protestues, ku pretendohet se pjesëmarrja në tubime do t'u sjellë ndalesë hyrjeje në Bashkimin Evropian. Nëpërmjet një deklarate publike, ajo i ka quajtur këto pretendime plotësisht të pavërteta, duke i dhënë zemër qytetarëve shqiptarë që të mos tërhiqen nga e drejta e tyre kushtetuese për të protestuar. “Më është thënë se shqiptarët po paralajmërohen nga Edi Rama se, nëse marrin pjesë në protesta, do t’u refuzohet hyrja në BE. Ky pretendim është i RREMË!”, u exprish prerazi Strolenberg. Ajo ka nënvizuar se qytetarët nuk duhet të bien pre e frikësimeve të tilla që synojnë t'i ndalin nga shprehja e pakënaqësive përmes protestave paqësore. “Ju lutem, mos lejoni që pretendimet e rreme t’ju dekurajojnë nga ushtrimi i së drejtës suaj për tubim paqësor. E di që këto janë kohë të vështira dhe shqetësuese. Ruani veten!”, ka përmbyllur mesazhin e saj eurodeputetja.