Paralajmërim për mot të vranët dhe reshje shiu në Maqedoninë e Veriut

Territori i Maqedonisë së Veriut do të karakterizohet sot nga kushte atmosferike të paqëndrueshme, ku mbizotërimi i vranësirave dhe ulja e temperaturave do të shoqërohen me reshje shiu të herëpashershme, të cilat pritet të vazhdojnë edhe gjatë natës. Në rajone të caktuara reshjet do të jenë më të theksuara, duke kaluar mbi 30 litra për metër katror, ndërkohë që do të fryjë një erë e lehtë deri mesatare nga drejtimi i juglindjes. Sa i përket vlerave termike, termometret do të shënojnë minimumin e temperaturave mes 4 dhe 13 gradë Celsius, ndërsa temperaturat maksimale gjatë ditës do të lëvizin në intervalin prej 15 deri në 23 gradë Celsius. Në kryeqytet, në Shkup, parashikohet gjithashtu mot i vranët dhe më i ftohtë, me reshje shiu që do të bëhen të pranishme në orët e pasdites dhe përgjatë natës. Në disa pjesë të luginës së Shkupit, intensiteti i reshjeve do të jetë mesatar deri në të shtuar në momente të caktuara. Për sa i përket erës në zonën e Shkupit, ajo do të fryjë lehtë deri mesatarisht nga drejtimi i ndryshueshëm. Ndërkohë, termometri në kryeqytet do të shënojë një temperaturë minimale prej 9 gradësh, ndërsa ajo maksimale do arijë deri në 18 gradë Celsius.