Përballja e Championsit në “Santiago Bernabeu”: Trajneri i Leipzig zbulon lojtarin që do t’ia “rrëmbente” Real Madridit

Real Madridi do të jetë nikoqir i Leipzigut këtë të mërkurë në mbrëmje në stadiumin “Santiago Bernabeu”, në kuadër të xhiros së tretë të fazës së ligës, ku synimi i madrilenëve është vazhdimi i ecurisë pozitive në këtë kompeticion evropian. Ekipi i drejtuar nga Jose Mourinho ka regjistruar dy fitore në po aq ndeshje të para në Evropë, ndaj Interit dhe Romës, ndërsa në këtë duel vjen pas triumfit bindës 4:1 kundër Sevillas në La Liga. Në atë përballje, Kylian Mbappé shkëlqeu me dy gola, duke dëshmuar formën e tij të lartë. Sulmuesi nga Franca ka arritur kuotën e 11 golave këtë edicion, duke u shndërruar në rrezikun kryesor për çdo prapavijë kundërshtare. Nga ana tjetër, trajneri i RB Leipzigut, Martin Demichelis, nuk është menduar dy herë kur është pyetur se cilin futbollist do ta hiqte nga radhët e Real Madridit për t'i rritur gjasat e skuadrës së tij drejt triumfit. “Kylian Mbappe”, u përgjigj shkurt strategu argjentinas, gjatë konferencës para kësaj sfide të madhe të Ligës së Kampionëve. Leipzig po kalon një fazë delikate, pasi pas humbjes 4:1 nga Como, u mposht thellë edhe nga Bayern Munichu me rezultatin 6:1. Megjithatë, skuadra gjermane ka regjistruar një fitore në dy xhirot e para evropiane dhe synon të realizojë një befasi të madhe në kryeqytetin spanjoll. Për Demichelisin dhe të besuarit e tij, neutralizimi i francezit mbetet sfida parësore e mbrëmjes, në një ndeshje ku Real Madridi luan me statusin e favorizuarit.