Mbështetje për Luginën, Albin Kurti takon krerët e Bujanocit në Prishtinë

Kryeministri i Republikës së Kosovës, Albin Kurti, ka zhvilluar një takim zyrtar me kryetarin e Kuvendit Komunal të Bujanocit, Driton Rexhepi, si dhe me drejtorin për Arsim në këtë komunë, Agim Hasani. Gjatë këtij takimi, zyrtarët lokalë nga Bujanoci kanë shprehur mbështetjen e tyre të plotë ndaj iniciativës së kryeministrit Kurti për bashkimin e forcave politike shqiptare në Preshevë, Bujanoc dhe Medvegjë nën logon e “Koalicionit Shqiptar”, subjekt ky që paraqitet me numrin 17 në garën për zgjedhjet parlamentare në Serbi.