Skemë mashtrimi për subvencione: ATK zbulon dhjetëra vërtetime tatimore të falsifikuara

Administrata Tatimore e Kosovës (ATK) ka zbuluar një numër të madh rastesh të dyshuara për falsifikim dokumentesh, ku dhjetëra vërtetime tatimore janë manipuluar me qëllim përfitimi nga skemat e ndryshme të subvencionimit. Sipas njoftimit zyrtar nga ky institucion, këto parregullsi janë konstatuar gjatë dy javëve të fundit të punës intensive. Për shkak të peshës së veprës dhe dyshimeve të arsyeshme, i gjithë materiali provues është dorëzuar menjëherë në organet e rendit dhe drejtësisë për hetime të mëtejshme dhe ndëshkimin e përgjegjësve.