Arrestohet një person në Leposaviq, dyshohet se nxori kundërligjshëm dokumente zyrtare të Kosovës

Një person është arrestuar në Leposaviq, nën dyshimin se ka nxjerrë në mënyrë të kundërligjshme dokumente zyrtare të Republikës së Kosovës që lidhen me regjistrimin civil. Sipas raportit të Policisë, gjatë kontrollit në kioskën e të dyshuarit, mashkull kosovar, janë gjetur dhe konfiskuar pajisje elektronike dhe dokumente të ndryshme, të cilat do të shërbejnë si prova materiale, transmeton “Bota sot”. Në lidhje me rastin janë intervistuar edhe dy dëshmitarë. Pas intervistimit, me vendim të prokurorit, i dyshuari është dërguar në mbajtje. Rasti është në procedurë hetimore.