Debat i ashpër në OKB: Përplasje e fortë mes Glauk Konjufcës dhe Marko Gjuriqit

Mbledhja e fundit e Këshillit të Sigurimit të Kombeve të Bashkuara, e mbajtur të martën në mbrëmje sipas orës lokale të Kosovës, është shoqëruar me tensione dhe debate të ashpëra ndërmjet zëvendëskryeministrit të Kosovës, Glauk Konjufca, dhe ministrit të Jashtëm të Serbisë, Marko Gjuriq. Seanca, e cila trajtoi çështje të ndjeshme nga e kaluara dhe e tashmja e rajonit, duke përfshirë periudhën e luftës dhe Gjykatën Speciale, u mbyll pikërisht me këtë përplasje verbale mes dy zyrtarëve të lartë. Tensioni në sallë nisi që në momentin kur fjalën e mori kryediplomati serb, Marko Gjuriq, i cili gjatë fjalimit të tij u ndal te vendimet e fundit dhe zhvillimet rreth proceseve gjyqësore ndaj ish-krerëve të Ushtrisë Çlirimtare të Kosovës.