Spikat Bayern - Arsenal

Raundi i tretë i fazës së ligës në Champions League, do të mbyllet këtë të mërkurë, me nëntë përballje tejet interesante. Padyshim vëmendja më e madhe do të jetë te dueli mes Bayern Munich dhe Arsenal në “Allianz Arena”. Pas barazimit zhgënjyes ndaj Viking, gjermanët kërkojnë të rikthehen te fitorja. Në krahun tjetër, Arsenali vjen në këtë takim, pas dy triumfeve në start. Përballje delikate edhe për Real Madrid, që pret në shtëpi gjermanët e Leipzig. Spanjollët kanë regjistruar dy fitore ndaj Interit dhe Romës, ndërsa synojnë suksesin e tretë radhazi. Në krahun tjetër, Lepizig, pas humbjes me Comon në start, fitoi ndeshjen e dytë ndaj PSV-së. Pas dy humbjeve, Interi kërkon suksesin e parë, ndërsa pret Shakhtar Donetsk, që vjen në këtë takim, pas një fitoreje dhe një barazimi. Sfidat e tjera në orën 21:00 janë: Sporting Lisbona-LASK, Club Brugge-Lens, Betis-Feyenoord dhe Aston Villa-Viking. Më herët, në orën 18:45, do të startojnë Como-Manchester United dhe Lille-Galatasaray.