Ngjarja e rëndë në Tiranë: Zbardhen detajet e para për kufomën e gjetur pranë Lanës

Policia e Shtetit dhe shërbimet e urgjencës mjekësore kanë ndërhyrë mesditën e sotme në zonën e Lanës në kryeqytet, konkretisht përballë Gjykatës Penale, ku është konstatuar një trup i pajetë. Sipas të dhënave paraprake nga autoritetet, viktima dyshohet se i përket rrethit të personave pa strehë, ndërsa mosha e tijllogaritet rreth 55 vjeç. Grupi hetimor dhe ekspertët mjeko-ligjorë ndodhen në vendin e ngjarjes dhe po kryejnë këqyrjen e trupit për të zbuluar shkaqet e vdekjes. Deri në këto momente, nga kontrolli paraprak nuk janë konstatuar shenja të dukshme dhune, ndërsa pritet identifikimi zyrtar dhe ekspertiza e plotë mjeko-ligjore.