Lo Celso shpërthen ndaj gjyqtarëve pas disfatës ndaj Barcelonës: A vlefshin rregullat njësoj për të gjithë?

Mesfushori i Real Betisit, Giovani Lo Celso, ka lëshuar kritika të ashpra në drejtim të ndarjes së drejtësisë, pas humbjes që skuadra e tij pësoi të shtunën kundër Barcelonës. Katalanasit triumfuan me rezultatin 5:2 në kuadër të xhiros së nëntë në elitën e futbollit spanjoll, në një takim të karakterizuar nga kthesa të shumta dramatike dhe vendime mjaft kontroverse nga ana e gjyqtarëve. Zhgënjimi i argjentinasit u thellua pasi iu mohua një gol i rregullt dhe bashkëlojtari i tij, Facundo Bernal, u ndëshkua me karton të kuq direkt, duke ngritur dilema të hapura nëse standardet e gjykimit aplikohen në mënyrë të barabartë për çdo ekip. Reagimi i Lo Celsos lidhej ngushtë me situatën e minutave shtesë të pjesës së parë, kur goli i tij u fshirë nga skena pas pretendimeve për një prekje të topit me dorë nga bashkëlojtari Cucho Hernandez. I pyetur drejtpërdrejt nëse ekziston një unitet standardesh kur përballë është Barcelona, lojtari preferoi të mos lëshonte akuza direkte, por u shpreh mjaft rezervuar përmes një komenti kritik. “Mund të flas për rastet konkrete që i përjetova në fushë. Në fund të fundit, prekja e Cuchos mund të jetë ose jo faull, por në atë aksion ndodhin shumë gjëra. Ka një top të kthyer, topi ngrihet lart dhe ka një duel për topin me kokë… Sinqenërisht, nuk e di”, u shpreh ai. Më tej, ai shtoi: “Por, nëse do të kishte shënuar Barcelona, a do të anulohej edhe ai gol për atë prekje me dorë? Nuk e di të vërtetën, por ajo që po them është se aty ka një duel me kokë dhe se gjatë një ndeshjeje ndodhin shumë gjëra”. Duke e cilësuar këtë vendim si tejet të dyshimtë, futbollisti këmbënguli se goli i tij duhej të ishte pranuar zyrtarisht, teksa gjatë një prononcimi për “Estadio Deportivo” analizoi edhe goditjen që ky episod pati te formacioni i tij. “Është një moment vendimtar. Të kalosh nga barazimi në pjesën e parë në disavantazh 2:1 e ndryshon krejtësisht situatën… dhe pasi e ngushtuam rezultatin në 3-2, mendoj se përjashtimi ishte ai që praktikisht e mbylli ndeshjen”, theksoi ai. Aspekti tjetër që nxiti pakënaqësi te Lo Celso ishte ndëshkimi me karton të kuq të Betisit, i cili la skuadrën me dhjetë lojtarë në fushë, duke vënë në dukje trajtimin e ndryshëm të dy protagonistëve në të njëjtin duel: Bernal u ndëshkua rëndë, ndërsa Lamine Yamal u ndëshkua vetëm me karton të verdhë. “Ishte thjesht një përplasje mes dy lojtarëve. Njëri ndëshkohet me karton të kuq direkt, ndërsa tjetri merr karton të verdhë. Por, në fund të fundit, këto janë detaje. Ajo që më mbetet në mendje është përpjekja e skuadrës, e cila luftoi deri në fund, pavarësisht se përballë kishte skuadrën më të mirë në Evropë për momentin”, përmbylli ai.