“Studentët e mi janë në shesh, nuk mund të qëndroj duarkryq në shtëpi” – Arlind Qorri flet për angazhimin e tij në protesta

I ftuar në emisionin “Java”, kreu i Lëvizjes “Bashkë”, Arlind Qorri, ka ndarë detaje rreth angazhimit të tij të përditshëm në protestat që po zhvillohen aktualisht në vend, duke nënvizuar se është në krah të të rinjve dhe qytetarëve protestues. Gjatë bisedës në studio, Qorri u shpreh se prania e tij në tubime është e natyrshme dhe e pashmangshme, sidomos kur bëhet fjalë për të mbështetur të rinjtë që ai vetë i ka studentë. “Unë jam përditë në protestë, momentin që studentët e mi janë në protestë unë nuk mund të rri në shtëpi. Unë jam aty me ta dhe me shumë studentë të tjerë”, deklaroi ai.