Gjinovci lëshon akuza të forta ndaj kryeministrit Rama: Zgjodhi rrugën më të keqe, përfundimin në qeli

Vala e protestave studentore në Shqipëri vijon me intensitet, ku qytetarët dhe studentët e mbledhur në sheshe po kërkojnë me këmbëngulje largimin e kryeministrit Edi Rama nga drejtimi i qeverisë. Këto tubime janë shoqëruar herë pas here me tensione dhe episode përplasjesh fizike në terren. Në lidhje me krizën e re politike dhe shoqërore në vend, ka reaguar ashpër analisti i njohur Rron Gjinovci. Nëpërmjet një postimi në rrjetin social Facebook, ai ka drejtuar fjalë të rënda në drejtim të kreut të ekzekutivit shqiptar. "Edi Rama e pati mundësinë me u dorëheqë e me u zhdukë, por zgjodhi all inclusive, me hy edhe në burg. Kriminel," ka shkruar Gjinovci në profilin e tij. Ky reagim vjen pikërisht në një moment kur pakënaqësitë popullore kanë arritur kulmin, ndërsa protestuesit nuktë tërhiqen nga kërkesa e tyre kryesore për dorëheqjen e Ramës, duke e lënë situatën politike në Shqipëri në një pikë tejet kritike.