Tensionet në proteste: Ministrja e Shëndetësisë viziton efektivët dhe qytetarët e plagosur në Spitalin e Traumës

Ministrja e Shëndetësisë dhe Mirëqenies Sociale, Klodiana Spahiu, ka ndërmarrë një vizitë urgjente mbrëmjen e sotme në ambientet e Spitalit Universitar të Traumës. Ky institucion shëndetësor është shndërruar në pikën ku po marrin ndihmën e nevojshme mjekësore dhjetëra efektivë të Policisë së Shtetit dhe qytetarë pjesëmarrës në protesta, të cilët kanë pësuar lëndime gjatë përplasjeve. Gjatë kësaj vizite, ajo ka vlerësuar lart angazhimin e stafit mjekësor, duke dhënë këtë mesazh publik: “Mirënjohje për të gjitha ekipet e mjekëve dhe infermierëve, që gjatë këtyre pesë ditëve kanë qenë pa ndërprerje në krye të detyrës, duke ofruar kujdes dhe ndihmë mjekësore për çdo të lënduar, pa asnjë dallim. Shëndeti dhe jeta e çdo qytetari janë mbi gjithçka!”