Përleshje në Rrugën e Dibrës: Forcat e rendit përdorin gaz lotsjellës dhe plumba gome

Pas largimit nga bulevardi kryesor, grupi i protestuesve është zhvendosur drejt Rrugës së Dibrës, ku situata ka eskaluar. Forcat e policisë kanë mbërritur menjëherë në terren, duke u bërë thirrje të pranishmëve që të shpërndahen dhe të lirojnë zonën. Përballë kësaj situate, efektivët kanë ndërhyrë me mjete të dhunshme, duke hedhur gaz lotsjellës dhe duke përdorur plumba gome për të shpërndarë turmën. Ndërkohë, prania e forcave të rendit në terren mbetet e lartë, ndërsa ato po monitorojnë dhe shoqërojnë çdo lëvizje të protestuesve. Një kontingjent i efektivëve është nisur drejt zonës së Parlamentit, ku një grup tjetër protestuesish është pozicionuar gjithashtu.